नेपाल रिडर्स सार्वजनिक नीतिहरु र मुद्दाहरुसंग सम्बन्धीत खोजमुलक रिपोर्टहरु प्रकाशित गर्ने र राजनीतिक आर्थिक तथा सामाजिक बहसहरुलाई मुद्धा आधारित बनाउन मद्धत गर्नेगरि छलफल–विचार विमश गर्ने विद्युतीय मञ्च हो । यस मञ्चले नीति तथा मुद्दाहरुलाई सघन विमर्श गर्नेछ, प्रसार गर्नेछ र निष्कर्षमा पुर्याउन प्रयत्न गर्नेछ तथा प्राप्त निष्कर्षहरुलाई अभिलिखित गर्नेछ ।
यो नेपालभित्रका मात्र होइन, विश्वमा विस्तारित नेपाली राष्ट्रियताका साथै नेपालसम्बन्धी सकारात्मक चासो व्यक्त गर्ने हरेक प्राज्ञहरुको पनि मञ्च हो । यस अनलाइनमा हाम्रो विमर्शलाई सान्दर्भिक हुने नयाँ सामग्रीका साथै, अन्यत्रै प्रकाशित भएका भए पनि लेख–रचना राखिनेछन । ती विभिन्न संघ–संस्थाहरुले आयोजना गरेका गोष्ठी तथा छलफल कार्यक्रमका श्रव्यदृष्य सामग्री तथा प्रतिवेदन, प्रकाशित भैसकेका पुस्तकका सान्दर्भिक परिच्छेद, अध्ययन–अनुसन्धान प्रतिवेदन, पुराना दस्तावेजहरु समेत हुनसक्छन । त्यस्ता सामग्रीहरु उपलब्ध गराइदिनु हुन सबैमा हाम्रो अनुरोध छ।
यसमा प्रकाशित कुनै पनि सामग्रीमाथि तपाईँको पूरक विचार, समानान्तर विचार, आलोचनात्मक टिप्पणी, प्रश्न या प्रतिक्रियालाई हामी स्वागत गर्दछौ । तपाईँका विचारमाथि अरु कसैका प्रश्न, आलोचना, टिप्पणी वा प्रतिक्रिया आएपछि फेरि तपाईँको प्रतिक्रियाको अपेक्षा गर्दछौ । बहस–विमर्शको यस्तो प्रक्रिया निरन्तर चलिरहने छ।
नीतिगत मुद्दाहरुसम्बन्धी विमर्शलाई जति सकिन्छ सघन बनाउनु हाम्रो उद्देश्य हो । यसर्थ अहिले नभैरहेको तर हुनुपर्ने बहस, छलफल, खोज, अनुसन्धानको विषयका बारेमा हामीलाई जानकारी दिनुहुनेछ भन्ने अपेक्षा राख्दछौं।
अन्तमा स्मरण रहोस्स् कि यो समाचारप्रमुख अनलाइन होइन तर राज्य, सरकार तथा कर्पोरेट हाउसका साथै सामाजिक जीवनका सबै क्षेत्रका सार्वजनिक नीतिमा सकारात्मक तथा नकारात्मक प्रभाव पार्ने गतिविधिहरु यसका डोमेन भित्र पर्नेछन।
अस्तु ।
कम्पनी दर्ता नं. – २१७६१३/७५/०७६
सूचना तथा प्रसारण विभाग दर्ता नं. – १४५३/०७६-७७