कृषिमा अपेक्षाकृत परिवर्तन आउन कम्तीमा तीन वर्ष लाग्छ – मन्त्री भूसाल

0
61

संघीय सरकारका कृषि तथा पशुपंक्षी विकास मन्त्री घनश्याम भूसालले कृषिमा अपेक्षाकृत परिवर्तन आउन कम्तीमा तीन वर्ष लाग्ने बताएका छन् ।

आफू मन्त्री भएपछि कृषि उत्पादन बढाउने गरी योजना बनाइरहेको र अबको तीन वर्षपछि योजना अनुसारको प्रतिफल देखिन थाल्ने उनले बताए । मन्त्री भूसालले उत्पादन बढाउन व्यक्ति छनोट गरेर अनुदान दिने प्रवृत्ति हटाइएको पनि बताएका छन् ।

लुम्बिनी विशिष्टिकृत सहकारी संघको शुक्रबार रुपन्देहीको तिलोत्तमामा सम्पन्न प्रारम्भिक साधारण साभामा बोल्दै मन्त्री भूसालले आफ्ना मान्छेलाई दिँदा कृषि अनुदान अनुत्पादक क्षेत्रमा गएकाले व्यक्ति छानेर अनुदान दिने परिपाटी हटाइएको बताए । उनले मल, बीउ, कृषि औजा, बिजुली, पानी जस्ता कुरामा भने सरकारले अनुदानको व्यवस्था गरेको जानकारी दिए ।

मन्त्री भूसालले विगतमा विदेशीको भरपर्दा नेपालको कृषि क्षेत्र फस्टाउन नसकेको बताए । विदेशीले देला र कृषि उत्पादन बढाउँला भन्ने सपना पनि देख्न नहुने उनको भनाइ छ । ‘कृषिको विकासमा विदेशीको भरपर्ने मानसिकता हटाउन जरुरी छ’ उनले भने । आर्थिक समृद्धिको मूल आधार कृषि भएकाले कृषिको विकासका लागि कृषि मन्त्रालय अन्तर्गतको बजेट तल्लो तहमा पठाइएको मन्त्री भूसालले जानकारी दिए ।

‘सिंहदरबारमा उत्पादन हुँदैन, त्यसैले बजेट तल पठाइएको छ, सहकारी क्षेत्रमार्फत पनि कृषि उत्पादन बढाउने गरी बजेट खर्च गर्न सकिन्छ’–उनले भने । संसारमै कृषि गाह्रो पेशा भएको बताउँदै मन्त्री भूसालले कृषि विकासका लागि पुँजी व्यवस्थाको निर्माण गर्नुपर्नेमा जोड दिए । कृषिलाई राज्यले संरक्षण गर्नुपर्ने बताउंँदै उनले कृषि उत्पादनमा सहकारीहरुको भूमिका महत्वपूर्ण रहने बताए ।

उनले अबको तीन वर्षभित्र खोरेत रोग उन्मुलन गर्ने गरी मन्त्रालयले योजना बनाएको बताउँंदै धानको उन्नत खालको वीउ उत्पादन गर्न ६ वर्ष लाग्ने बताए । मन्त्री भूसालले अबको ३ वर्षमा धान, गहुँ, मकै, कोदो, फापर लगायत कृषिजन्य वस्तु न्यूनतम बचत हुने गरी भण्डारण गर्न सकिने गरी उत्पादन हुने दावी गरे ।

लुम्बिनी प्रदेशका भूमि व्यवस्था, कृषि तथा सहकारी मन्त्री आरती पौडेलले किसानलाई सहकारीको माध्यमबाट निव्र्याजी ऋण दिने गरी प्रदेश सरकारले सहकारी कोषको व्यवस्था गरेको बताइन् । उनले तिलोत्तमामा बन्न लागेको दुग्ध परियोजनामा प्रदेश सरकारल सहयोग गर्ने समेत बताइन् । अनलाइखबर, २८ कात्तिक,२०७७ मा प्रकाशित।

फेसबुकबाट तपाईको प्रतिक्रिया