सरकारले मंसिर १४ मा उपनिर्वाचन गर्ने निर्णय गरेको छ । प्रतिनिधिसभा, प्रदेशसभा र स्थानीय तहमा रिक्त रहेका विभिन्न पदकालागि उपनिर्वाचन गर्ने गर्ने भएको हो । बिहीबार बालुवाटारमा बसेको मन्त्री परिषद्को बैठकले विभिन्न कारणले रिक्त रहेको ५० स्थानको पदमा आगामी १४ मंसिरमा निर्वाचन गर्ने निर्णय गरेको जनाएको छ ।सरकारले निर्वाचन आयोगले दिएको सुझाव अनुसारकै समयमा उपनिर्वाचन गर्ने भएको छ । यसअघि बिहीबार मध्यान्ह निर्वाचन आयोगले प्रतिनिधिसभा, प्रदेशसभा र स्थानीय तहमा रिक्त रहेका स्थानमा १४ मंसिरमा उपनिर्वाचन गर्न सुझव दिएको थियो । साथै निर्वाचन आयोगले बिहीबार प्रतिनिधिसभा, प्रदेशसभा र स्थानीय तहमा प्रतिनिधित्व गरेका र कानुनअनुसार निर्वाचन आयोगमा दर्ता भएका १८ वटा राजनीतिक दलसँग उपनिर्वाचनबारे आयोगले परामर्श गरेको थियो ।

यी स्थानमा पद रिक्त रहेका छन्

प्रदेश १
धरान उपमहानगरपालिका प्रमुख तारा सुब्बाको निधन भएपछि यहाँको पदपनि रिक्त रहेको छ  । सुनसरीको धरान उपमहानगरपालिका–७ को वडाअध्यक्षमा, संखुवासभाको मकालु गाउँपालिका अध्यक्ष खडगबहादुर कटुवाल र पाँचथरको फाल्गुनानन्द गाउँपालिका अध्यक्ष अमरबहादुर नेम्वाङको मृत्यु भएपछि यहाँको पद पनि रिक्त रहेको छ । साथै पाँचथर कै पाँचथर हिलिहाङ गाउँपालिका–७ मा पनि वडा अध्यक्षको पद खाली रहेको छ । मोरङ धनपालथान गाउँपालिका–२ वडाका वडा अध्यक्षको निधन भएपछि यहाँको पद पनि रिक्त रहेको छ । संखुवासभा खाँदबारी नगरपालिकाका ३ मा पनि वडाअध्यक्षको पद रिक्त रहेको छ । खोटाङको साकेला गाउँपालिका–३ मा पनि वडा अध्यक्षको पद रिक्त रहेको छ ।

प्रदेश २
महोतरीबलवा नगरपालिकाका ८ र २ वडामा दुई अध्यक्षको पद रिक्त रहेको छ । सिरहाको कल्याणपुर नगरपालिका–१२, रौटहटको गढिमाई नगरपालिका–२, त्यसैगरी महोत्तरीको पिपरा गाउँपालिका अध्यक्ष, सप्तरीको छिन्नमस्ता गाउँपालिका–७, पर्साको सखुवा–पर्सौनी गाउँपालिका–५, सर्लाहीको हरिपुर्वा नगरपालिका–१, , बाराको बारागढी गाउँपालिका–१ मा पद रिक्त रहेको छ

प्रदेश ३
रामेछाप उमाकुण्ड गाउँपालिका–५, नुवाकोट दुप्चेश्वर गाउँपालिका–१, भक्तपुर १ ख बाट निर्वाचित हरिशरण लामिछानेको उच्च रक्तचाप बढेपछि उपचारका क्रममा निधन भएपछि यहाँको पद पनि रिक्त रहेको छ  । चितवनको खैरहनी नगरपालिकाका ४ र ५, काठमाडौंको दक्षिणकाली नगरपालिका–वडा ३, काभ्रेका धुलिखेल नगरपालिका–२, सिन्धुपाल्चोकको इन्द्रावती गाउँपालिका–८ मा पनि पद रिक्त रहेको छ ।

प्रदेश ४
कास्कीको क्षेत्र नं २ मा प्रतिनिधिसभाको सदस्यको पद रिक्त रहेको छ । नेकपाका सांसद् तथा तत्कालिन संस्कृति, पर्यटन तथा नागरिक उड्डयनमन्त्री रवीन्द्र अधिकारीको ताप्लेजुङमा हेलिकोप्टर दुर्घटनामा परेर निधन भएपछि यहाँको पद रिक्त रहेको छ । बाग्लुङ २ ख मा गण्डकी प्रदेश सांसद टेकबहादुर घर्तीको पनि निधन भएपछि यहाँको प्रदेश सांसदमा पनि पद रिक्त रहेको छ । साथै बाग्लुङ बडिगाड गाउँपालिका–२ नवलपरासीको बुद्धिकाली गाउँपालिका–५ मा वडाअध्यक्ष खाली रहेको छ ।

प्रदेश ५
दाङको ३ ख बाट निर्वाचित उत्तरकुमार ओलीको दुर्घटनामा निधन भएपछि यहाँको पद पनि खाली रहेको छ  । अर्घाखाँची मालारानी गाउँपालिका–३, दाङको घोराही उपमहानगरपालिका–१६, बाँकेको कोहलपुर नगरपालिका–१६, गुल्मीको रुरु गाउँपालिका–६, रुपन्देहीको रोहिणी गाउँपालिका–७ मा पनि पद रिक्त रहेको छ ।

प्रदेश ६
हुम्लाको खार्पुनाथ गाउँपालिकाका उपप्रमुख सिन्धु हमाल शाहीको निधन भएपछि यहाँको पदपनि रिक्त रहेको छ । प्युठानको ऐरावती गाउँपालिका १ र २ तथा प्युठान नगरपालिका–२ मा वडाध्यक्ष पद रिक्त छ । सल्यान कुमाखमालिका गाउँपालिका–५, डोटीको आदर्श गाउँपालिका–२ मा पनि पद रिक्त रहेको छ

प्रदेश ७
अछामको मल्लेख गाउँपालिका–५, बाजुरा त्रिवेणी नगरपालिका–१ मा पनि वडाध्यक्ष पद खाली छ । बैतडीको दोगडाकेदार गाउँपालिका–४, कञ्चनपुरको पुनर्वास नगरपालिका–३ मा पनि पद रिक्त रहेको छ ।

नेरि डेस्क
नेपाल रिडर्स सार्वजनिक नीतिहरु र मुद्दाहरुबारे निरन्तर छलफल–विचार विमर्श गर्ने विद्युतीय मञ्च हो।