नेपालमा कोभिड–१९ का एकसयजना नयाँ सङ्क्रमित थपिएका छन् । बुधबार स्वास्थ्य तथा जनसङ्ख्या मन्त्रालयले गरेकाे आफ्नो नियमित पत्रकार सम्मेलनमा पछिल्लो चौबीस घण्टामा तीन हजार ७७९ नमूना सङ्कलन गरी परीक्षण गरिएको जनाएको छ ।

मन्त्रालयका प्रवक्ता डा. जागेश्वर गौतमका अनुसार नयाँ थपिएका बिरामीसँगै नेपालमा कोभिड–१९ सङ्क्रमितको कुल सङ्ख्या १८ हजार ९४ पुगेको छ ।

यस्तै, दुईसय सातजना निको भएर घर फर्केका छन् । योसँगै निको हुनेहरु १२ हजार ८४२ पुगेको छ । नेपालमा निको हुने दर ७०.१ प्रतिशत पुगेको छ ।नेपालमा अहिले पाँचहजार ३६८ जना सक्रिय सङ्क्रमितहरु रहेका छन् भने २० हजार ८४२ जना क्वारेन्टिनमा रहेका छन् ।

सङ्क्रमित हुने दर
प्रवक्ता गौतमका अनुसार नेपालमा सङ्क्रमित हुनेका दर घटिरहेको छ । असार १० गते सङ्क्रमित हुनेका दर ९.२ रहेकोमा साउन ७ गते २.०६ प्रतिशत रहेको छ ।यस्तै, पछिल्लो २४ घण्टामा काठमाडौंमा तीनजना नयाँ सङ्क्रमित थपिएका छन् ।

थप मृत्यु
धनुषाका ६० वर्षका एक पुरुष विपी स्वास्थ्य प्रतिष्ठानमा उपचारको क्रममा साउन ६ गते मृत्यु भएको छ । यस्तै, चिनियाँ नागरिकको मृत्यु भएको छ । काठमाडौंको ग्याण्डी अस्पतालमा साउन ७ गते मृत्यु चिनियाँ नागरिकको भएको हाे । योसँग नेपालमा मृत्यु हुनेका सङ्ख्या ४२ पुगेका छ ।

फेसबुकबाट तपाईको प्रतिक्रिया