मध्यपुर थिमीमा समुदायमा आधारित परीक्षण तथा निगरानी

मध्यपुर थिमी नगरपालिकाले नेपाल कोरिया मैत्री नगरपालिका अस्पतालसँगको सहकार्यमा कोरोना भाइरस संक्रमणको उच्च जोखिममा रहेका नगरबासिन्दाको समुदायमा आधारित परीक्षण तथा निगरानी गर्न सुरु गरेको छ । यसका लागि बायोसेफ्टी लेभल टू को मलिकुलर प्रयोशाला मैत्री अस्पतालमा सञ्चालन भएको जानकारी दिइएको छ ।

मध्यपुर नगरपका ९ वडाको सहकार्यमा अहिलेसम्म विभिन्न १५ देशबाट फर्किएका ५३ जनाको पहिचान गरी उनीहरुको स्वास्थ्य अवस्था तथा यात्रा गरेको रुटबारेको जानकारी संकलन भएको पनि बताइएको छ । उनीहरुको नमूना परीक्षण गर्दा सबैमा कोरोना भाइरसको संक्रमण नरहेको पुष्टि भएको जनाइएको छ ।

नेपाल कोरिया मैत्री अस्पतालमा अहिले कोरोना भाइरसका सम्भावित संक्रमितका लागि १६ वटा आइसोलेसन बेड तयारी अवस्थामा राखिएको र २० बेड क्षमताको क्वारेन्टाइन वार्ड पनि तयार पारिएको जानकारी दिइएको छ ।

फेसबुकबाट तपाईको प्रतिक्रिया