व्यवसायीहरुले १५ दिन कर्फ़्यू लगाउन सुझाव दिने काठमाडौंका मेयर उपमेयरहरुको तलब भत्ता बन्द गर्न सुझाव दिएका छन् । चैतदेखिको तीन महिना लामो लकडाउन र त्यसपछिको निषेधाज्ञाले अर्थतन्त्र थिलोथिलो भएको अवस्थामा फेरि १५ दिन कर्फ़्यू लगाउन उपत्यका नगरपापालिका फोरमले सुझाव दिएपछि व्यवसायी रुष्ट भएका हुन् ।
व्यवसायी प्रवलजंग पाण्डेले फोरमको सुझावप्रति आलोचना जनाउँदै सामाजिक सञ्जालमा लेखेको प्रतिक्रियामा अर्का व्यवसायी विप्लवमान सिंहले कर्फ़्यू लगाउन सुझाव दिने काठमाडौंका मेयरहरुको तलब भत्ता बन्द गर्नुपर्ने जनाएका हुन् ।
सिंह लेख्छन्, ‘यिनीहरू पागल हुन् । यिनीहरूको तलब भत्तापनि रोक्नु पर्छ । अनि थाहा हुन्छ लकडाउन के हो रु भनेर । अर्का व्यवसायी प्रवलजंग पाण्डेले १५ दिन कर्फ़्यू लगाउन सुझाव दिने नगरपालिका फ़ोरमले अधिल्लो १४ दिनको सटडाउनमा कोभिड नियन्त्रणमा के गर्यो? भनी प्रश्न गरेका छन् ।
उनले भनेका छन्, ‘१५ दिन कर्फ़्यू लगाउदा के गर्ने भनेर योजना जनता समक्ष प्रस्तुत गरेको भए हुने थियो । दायित्व पुरा गर्न नपरेपछि जे बोले पनि भयो नि ।’फोरमको बुधबारको बैठकले कोरोना महामारी नियन्त्रणमा आउनुको सट्टा बढ्ने क्रम जारी रहेको भन्दै १५ दिन कफ्र्यु लगाउन सरकारलाई सुझाव दिएको थियो । काठमाडौं उपत्यकाभित्रका मेयरहरुको संस्थाको बैठकमा मेयरहरु उपस्थित नहुँदा उपमेयरहरुले प्रतिनिधित्व गर्छन् ।
फोरमले निषेधाज्ञा थप कडा बनाउन कर्फ़्यू लगाउनुपर्ने निष्कर्ष निकाल्दै फोरमको बैठकले त्यसो गरेमात्रै कोरोना भाइरस नियन्त्रणमा आउन सक्ने बताएको छ । निषेधाज्ञामा मानिसहरु बाहिर निस्किन नछोडेकाले कर्फ़्यू नै उत्तम हुने फोरमको तर्क छ । – कर्पोरेट नेपाल
