नेपाली कांग्रेसका केन्द्रीय सदस्य तथा पूर्वमन्त्री गगनकुमार थापाले प्रतिनिधि सभा विघटन पुनःस्थापना हुने विश्वास व्यक्त गरे । चितवन कांग्रेसले गरेको सरकारविरुद्धको विरोध सभालाई सम्बोधन गर्दै नेता थापाले प्रतिनिधि सभा पुनःस्थपना भए प्रधानमन्त्री ओलीलाई झापा लखेट्ने बताएका हुन् ।
‘यो अदालतबाट संसद् पुनःस्थापना भन्दा अरु हुन सक्दैन । अदालतको प्रधानन्यायाधीशले पल्टाउने संविधानको धारा र हामीले पल्टाउने एउटै हो,’ उनले भने, ‘अदालत यो प्रधानमन्त्रीसँग नडराओस् धम्की सँग नडराओस् धेरै दिन छैन संसद पुनःस्थापना भएपछि प्रधानमन्त्री ओलीले ठूलो खर्च गरेर दमकमा भ्यु टावर बनाएका छन् त्यहीँ विचरण गर्न पठाउने हो ।’
प्रधानमन्त्रीले संविधानको जगमा हानेकोले विरोधमा उत्रिएको थापाको भनाइ छ । ‘प्रधानमन्त्रीले संविधानको जगमा हान्नु भएको छ,’ उनले प्रश्न गर्दै भने, ‘प्रश्न संविधानमा नलेखेको गर्न पाइन्छ कि पाइँदैन भन्ने हो रु प्रश्न संविधानको शासन हो कि सनकको हो रु प्रश्न विधिको शासन हो कि सेटिङको शासन भन्ने हो ?’
संसद विघटन गलत भएको उनको भनाइ छ । ‘बहुमत प्राप्त प्रधानमन्त्रीले हाम्रो संसद् गर्नै पाउँदैन । अहिले बहुमत प्राप्त प्रधानमन्त्रीले संसद् विघटन गर्नु भनेको नेकपाको अध्यक्षलाई कांग्रेसको सभापतिले हटाएको जस्तै हो’ उनले भने ।-इकागज
Discussion about this post