प्रतिनिधि सभा विघटनविरुद्धको रिटमाथि बहस गर्दै प्रधानमन्त्रीका निजी वकिल आरसी गौतमले प्रधानमन्त्रीलाई संविधानले राजा र राणा प्रधानमन्त्रीलाई जत्तिकै अधिकार दिएको बताएका छन् । उनले इजलासमा भने, ‘ सोही कारण प्रतिनिधि सभा विघटन संविधानसम्मत छ ।’ गौतमले प्रतिनिधि सभा विघटनको विरुद्धमा परेको रिटको खारेजीको माग पनि गर्नुभएको छ ।
प्रधानमन्त्रीका तर्फबाट बसह गर्दै अर्का वकिल धर्मराज रेग्मीले प्रधानमन्त्रीले संसद्बाट सहयोग नपाएको कारण संसद विघटन गरेको तर्क गरे । त्यसपछि न्यायाधीश अनिलकुमार सिन्हाले उनलाई प्रश्न गरे, ‘चुनावबाट दुई तिहाइ जनमत आएन भने फेरि संसद् विघटन गरिदिने ?’
यससँगै सरकारी वकिलका तर्फबाट बहस सकिएको छ । अहिले सभामुख अग्नि सापकोटाका तर्फबाट वकिलले बहस गरिरहेका छन्। वकिलहरूले संसद्ले प्रधानमन्त्रीलाई कुनै असहयोग नगरेको बरु पूरापूर सहयोग गरेको बताएका छन् । यो बहस सकिएपछि एमिकस क्युरीको बहस सुरु हुनेछ । एमिकस क्युरीको बहस सकिएपछि अदालतले फैसला सुनाउने छ ।