नेकपाको बहुमत पक्षले निर्वाचन आयोगमा आफूहरू नै आधिकारिक नेकपा भएको दाबी पेस गरेको छ । मंगलबार आयोगमै पुगेर नेकपा अध्यक्ष पुष्पकमल दाहाल ‘प्रचण्ड’, अध्यक्ष माधव नेपाल र वरिष्ठ नेता झलनाथ खनालसहितका नेताले राजनीतिक दलसम्बन्धी ऐनको दफा ४४ अनुसार आफ्नो दाबी पेस गरेका हुन् ।
आयोगमा दाबी पेस गरिसकेपछि मिडियासँग कुरा गर्दै वरिष्ठ नेता खनालले २ वटा केन्द्रीय कमिटीको बैठकबाट आफूहरूसँग पूर्ण बहुमत रहेको देखिएकाले आफूहरू नै मूल नेकपा भएको बताए । उनले आफ्नो दावी पुष्टी हुनेगरी आवश्यक कागजातसहित आयोगमा दाबी पेस गरेको जानकारी दिए ।
Discussion about this post