‘यी नवजात शिशुहरू दुधका लागि होइन, लागूऔषधका लागि रुन्छन्।’
न्युयोर्क टाइम्सको एउटा लेखले सोशल मिडियामा चर्को बहस सुरु गरेको छ। स्तम्भकार निकोलस क्रिस्टोफद्वारा लिखित अभिमतमा व्यक्त टिप्पणीले लागू औषधका दुर्व्यसनी शिशुहरू र अफिमचीका कारणले अमेरिकाको गम्भीर अवस्थालाई प्रष्टसँग औंल्याउँछ।
‘ऊ थाकेको छ तर निदाउन सक्दैन।’ ऊ वान्ता गर्छ, मुस्किलले खान्छ र उसको तौल घटेको छ। ऊ बच्चै छ । तथापी उसको अवस्था सोचनीय छ। कुरा के भने उसको शरीर हिरोइन बेगर हलचल गर्न नसक्ने भइसकेकोछ।” लेखमा व्यक्त गरिएको छ। लेखकका अनुसार अमेरिकाका हरेक १५ मिनेटमा एउटा बच्चा जन्मनु अघि नै अफिमको संसर्गमा परिसकेको हुन्छ।
अमेरिकामा अफिम दुर्व्यशन समस्या आफ्नै कारणले भएको हो, र चीन वा अन्य कुनै देशलाई दोष लगाउन सकिदैन। तर अमेरिका कसरी यस्तो बर्वादीमा फस्योरु यसबारे कमै चर्चा हुने गर्दछ । तर अमेरिका अफिमले ल्याएको संकट विमोचन गर्न सामाजिक र मनोवैज्ञानिक दुवै रुपमा असफल भइसक्यो।
लागू औषध दुर्व्यसनले अमेरिकालाई गम्भीर क्षति पुर्याउँछ। अमेरिकाले ८०प्रतिशत अफिम खपत गर्छ। यो समस्या अझ बढ्दै गएको छ। यसो हुनुमा ओपियोइड-सिफारिस गर्ने डाक्टरहरू, आपूर्ति गर्ने अमेरिकी कम्पनीहरू र अमेरिकी सरकारको लागूऔषध नियन्त्रण गर्ने प्रभावहिन कदमहरू नै जिम्मेवार हुन्। उदाहरणको लागि, गार्डियन पत्रिकाका अनुसार, एक अमेरिकी बहुराष्ट्रिय निगम जोनसन एण्ड जोनसनले चिकित्सा उपकरणहरू र औषधिहरू उत्पादन गर्दछ, त्यसले चलाएको ‘गलत र खतरनाक’ बिक्री प्रबर्द्धनका कारणले दुर्व्यसन र अमेरिकामा ओपियोइड महामारी बढेको भनेर ओक्लाहोमा अदालतले निर्णय दियो। तर यस उपर कुनै कारवाही हुन सकेन।
अझ महत्त्वपूर्ण कुरा के छ भने अमेरिकीहरूको शारीरिक र मनोवैज्ञानिक स्वास्थ्यमा केहि न केही खरावी हुँदैछ। देशले किशोरकिशोरीहरूलाई लागूपदार्थबाट टाढा रहन शिक्षा दिन असफल भएको छ। अमेरिकी किशोरहरूमा, मानसिक र साथीहरूको दवावको कारण लागूपदार्थको उपलब्धता उच्च छ। सीएनएनले रिपोर्ट गरेको छ कि २०१७ मा सर्वेक्षण गरिँदा अमेरिकाका १२ औं कक्षाका करीव ४० प्रतिशतले अवैध औषधि प्रयोग गरेको देखिएको थियो। यसले देखाउँछ कि प्रायजसो अमेरिकी किशोरहरूले कि त लागू औषध दुरुपयोग गर्छन्, वा तिनीलाई कसले लागू औषध दुरुपयोग गर्छन् भन्ने थाहा छ। र अब, शिशुहरूमा यो समस्या सरेको छ।
लागू औषधको दुर्व्यसनले मानसिक क्षति गराउँछ, जसले अमेरिकाको पतन निम्त्याउँछ। यसरी नै किशोरकिशोरीहरू हुर्कदैं गए भने तिनीहरू सजिलै लागूऔषधको दुर्व्यसनमा फस्दैनन् ररु र देशको भविष्य के हुन्छ, यदि अमेरिकी युवाहरू आफूलाई पेन किलरको सूइ लगाउनु पर्ने अवस्थामा पुगे भने।
अमेरिकी सपनालाई ‘सपनाको शोक गीत’ नबनाउनुहोस्
अमेरिकी राष्ट्रपति डोनाल्ड ट्रम्प ‘अमेरिकालाई फेरि महान बनाउनू चाहान्छन्, तर युवा पुस्तामा दृढ अठोट छ भने मात्र अमेरिका फेरि महान हुन सक्दछ। लागू औषधको दुर्व्यसन शिशुहरूले हामीलाई अमेरिकी युवाको आध्यात्मिक संसार देखाउँछन्। अमेरिकाको समस्या आफैंको हो। यदि अमेरिका आध्यात्मिक रूपमा बलियो हुन सक्दैन भने, तब ‘अमेरिकालाई फेरि महान बनाऔं’ यो खोक्रो नारामात्र हो।
स्रोत : ग्लोबल टाइम्समा – ली क्विङ्गकिङको रिपोर्टबाट ।