रोम, इटाली – नेपल्सको दक्षिणपश्चिम शहरमा कोरोनाभाइरसबाट मृत्यु भएकी एउटी महिलाको शवलाई शव बाहन सेवाले उठाउन नमान्दा परिवारलाई ३६ घण्टासम्म राख्न बाध्य पारियो।
तेरेसा फ्रानजेस नामकी ४७ वर्षीया महिला एक प्रकारको छारेरोगी थिइन् तर शारिरीकरुपमा तन्दुरुस्त नै थिइन। गत हप्ताको सुरूमा कोभिड–१९ सँग सम्बन्धित केही लक्षणहरू बढ्दै गएर उनको शनिबार साँझ उनको मृत्यु भयो।
आइतवार दिउँसो, उनको भाइ लुका, (गोमोर्रा नामक एक टिभी सिरियलका एक अभिनेता) ले फेसबुकमा भिडियो पोस्ट गरी प्रशासनको सहयोगको लागि बिन्ती गरे, सो भिडियो क्लीपमा उनको बहिनीको शव उनको पछाडि पल्टिएको देखिन्छ।
“म यो भिडियो इटालीको हितको लागि, नेपल्सको भलाइका लागि बनाईरहेको छु। मेरी दिदी हिजो रात मरिन्, सायद भाइरसको कारणले गर्दा र म गत रातदेखि कसैबाट उद्धारको प्रतिक्षा गर्दै थिएँ,” उनले भने।
उनको मृत्यु पछि लुकाको अनुरोधमा भाइरसको परीक्षण गरिएको थियो, र यो परीक्षण सकारात्मक देखियो।”मैले उनीहरूलाई आउन र जाँच गर्न बाध्य पार्नुपरेको थियो। मैले आफूले आफैलाई अलग रहेको थिए। मलाई भाइरस हुन सक्छ। मेरी बहिनीलाई बौराउन मैले उनलाई मुखबाट सास फेराउने स्वासप्रस्वास क्रिया विधि गरें तर कसैले मलाई सहयोग गरेनन्। हामी बर्बाद भइसकेका छौं, इटालीले हामीलाई त्यागेको छ, ” फ्रान्सेजले भिडियोमा भनेका छन्। “तर यसबेला हामीले एक अर्कालाई ढाडस र शक्ति दिनु पर्छ।”ती मृतकका बुढा बुवाआमा र बच्चाहरू लगायतका आफन्तहरू पनि शवलाई रुघेर बसेका थिए। तिनीहरूको समेत भाइरसको जाँच गरिएको छ र नतीजाहरू आउन बाँकी छ।
“भाइरस संक्रमित व्यक्ति घरमा मरेको घटना इटालीमा पहिलो घटना हो । त्यसो भएर केही अलमल भएको हुनसक्छ।” फ्रान्सेस्को एमिलो बोररेली, स्थानीय पार्षद र क्याम्पानियाको क्षेत्रीय स्वास्थ्य आयोगका सदस्यले, अल जजीरालाई भने। “परिवार स्वयंले परोपकारिताका भावनासाथ आफ्नो समुदायको रक्षा गर्न यथासक्य गरिरहेका छन्, र खाद्य आपूर्तिका लागि समुदाय लागेकोछ।
“अब ठूलो समस्या भएको छ त्यहाँ तिनीहरू चार दिनसम्म बन्द भएका थिए र त्यहाँबाट फोहरमैला पनि उठाइएको छैन। पुरै दुर्गन्ध फैलिएको छ र यस्तो अवस्थामा के गर्ने हामीलाई थाहा छैन। कसैले उनीहरूलाई सहयोग गर्नु आवश्यक छ।”
रिपोर्टका अनुसार टेरेसा इटालीको दक्षिणी भागको क्याम्पानियामा मर्ने चौथो व्यक्ति थिइन्। त्यहाँ १२२ वटा पुष्टि भएका विरामीहरु पनि छन्।
अधिकांश घटनाहरू र मृत्युहरू अहिलेसम्म देशको उत्तरमा भएको छ।फ्रान्सेजको भिडियो भाइरल भएपछि, स्थानीय चिहान मैदानमा टेरेसाको शव लिन राजी भए।
