भेनेजुएलाका स्व-नियुक्त “अन्तरिम राष्ट्रपति” जुआन गुइदोले जनवरीमा त्यस देशको नेशनल एसेम्ब्लीको मतदानमा अपमानजनक झटका प्राप्त गरे। उसलाई संसदीय निकायको नेताको पदबाट हटाइयो।
२०१९ को अवधिभर, गुइदोले भेनेजुएलामा अमेरिकी साम्राज्यवादको कठपुतलीको रूपमा काम गरे। राष्ट्रपति निकोलस मादुरोको नेतृत्वको बोलिभारियाई सरकारलाई उखाल्न र बदल्नको लागि हरसम्भव अफवाहपूर्ण गतिविधि गरे । गुइदोको भेनेजुएलामा आफ्नै जिल्लाभन्दा बाहिर कुनै आधार थिएन र संसदको विपक्षी पार्टीहरूमामा समेत त्यति धेरै पकड थिएन।
गुइदोले भेनेजुएलामा दक्षिणपन्थी प्रतिक्रियावादी प्रदर्शन गर्न असफल भए।उनलाई समर्थन गर्ने विदेशी संयन्त्रहरूमा ट्रम्प प्रशासनद्वारा सञ्चालित साम्राज्यवादी अभियानहरू: माइक पेन्स, माइक पोम्पीओ, जोन बोल्टन, मार्को रुबियो, इलियट अब्राम, ट्रम्प आफै, लुइस अल्माग्रो- उरुग्वेन अमेरिकी एजेन्टको अमेरिकी राज्यको संगठनको प्रमुख, कोलम्बियाको इभान डेक शासन, ब्राजिलको जैयर बोल्सेनारो र युरोपियन युनियन रहेका थिए।
तर गुइदोलाई देशभित्र समर्थनको पूर्ण अभाव थियो, जसकारण २०१९ भित्र कु गर्ने उनका सबै प्रयास असफल भयो । उनी कोलम्बियाका अर्धसैनिक संगठनहरू -“मृत्यु स्क्वाइड” सँग पनि सम्बन्धित थिए।
डिसेम्बर २०१५ को मतदान पछि विपक्षी दलहरूले नेशनल एसेमब्ली (एनए)मा प्रभुत्व त जमाए तर जो माडुरो सरकारको विरोध गर्नेहरू थिए उनीहरू गुइदोको भूमिकासँग समेत सन्तुष्ट भने थिएनन्। जनवरी ५ मा, १५० मध्ये ८१ सांसदहरूले गुइदोको अनुपस्थितमा लुइस पर्रालाई अध्यक्ष चुने। जसलाई गुइदोले स्वीकार गर्न सकेनन्।
मदुरोले पर्रालाई नयाँ एनए अध्यक्षको रूपमा मान्यता दिए र जनवरी ५ मा भने: “नेशनल एसेम्ब्लीले मतदान गरिसकेको छ र त्यहाँ नयाँ नेतृत्व छ। यो हावा कुरा थियो कि गुइदोलाई धेरै विपक्षीहरूको साथ छ”। सभाअध्यक्ष पर्राले भने कि “उनीहरु सरकारसँग सहकार्यको बाटोमा लाग्नेछन्”। तर, जनवरी ८ मा गुइदोले नेशनल एसेम्ब्लीको उक्त मतदानलाई अस्वीकार गर्दै आफैं नेताको रूपमा रहेको जिकिर गरिरहेका छन्।
यसको मतलब गुइदो एक स्वतन्त्र नियुक्त सभाको स्व-नियुक्त नेता हो, जुन उनको दाबी छ कि उसलाई स्व-नियुक्त राष्ट्रपति हुने अधिकार छ। पेन्सले उसलाई बधाई दिए।
यद्यपि उनको लोकप्रिय समर्थनको स्पष्ट अभावले उनलाई एक हास्यास्पद व्यक्तित्व बनाइदिएको छ। अमेरिकाको साम्राज्यवादले गुइदोलाई समर्थन गरेर भेनेजुएलाको क्रान्ति र यसको सार्वभौमिकता विरुद्ध खतरालाई जारी राखेको छ। संयुक्त राज्य अमेरिकाको प्रगतिशील आन्दोलनले अझै पनि भेनेजुएलामा अमेरिकाको हस्तक्षेपको प्रतिरोध गर्नै पर्छ र अमेरिकाका प्रतिबन्धहरू अन्त्यको माग गर्नुपर्दछ जसले लाखौं भेनेजुएलियनहरूलाई कष्ट दिइरहेको छ।
(www.workers.orgबाट John Catalinottoको सामग्री साभार)